La destitución de Pepe El Ferreiro al frente del Museo Etnográfico de Grandas de Salime foi ún de los tantos actos vergoñosos y partidistes desendolcaos pola Conseyería de Cultura. Pero esta agresión vien teniendo abondes respuestes y dende’l campu musical nun podría ser menos. El prósimu día 14 el Teatru Filarmónica d’Uviéu va acoyer un actu en sofitu a El Ferreiro nel que se van dar cita Tuenda, La Bandina’l Tombo, Mezá, Zapica, Conjunto Os Folkgazais y Os Pampirolos.

Mañana miércoles 10 tien llugar el regresu de los estaunidenses Auxes a Asturies. El soníu punk-rock underground d’esta formación va compartir escenariu cola banda asturiana de noise rock Stasi. Nosyndicate, promotora de conciertos formada por Greenmammoth y Disaster Product, organicen esti show que va tener llugar n’El Bola 8 de Xixón a les 20.00 y con un preciu de 6 euros.

Pablo Valdés volvió a facese rockeru. Y ye que esti sábadu, na presentación especial de “Noches de ciudad” na sala Kandela n’Uvieu, Pablo Valdés dexó de titubear enriba los escenarios y sacó tolo que s’esperaba de él, de un músicu que ya de bien mozu apuntaba maneres nos sos direutos antes de grabar el so primer “donde nos lleven las carreteras” ( tres ganar el premiu de los 40 Principales nel DerrameRock de 2007).

“La política cultural de la capital asturiana foi de mal en peor dende la disolución de la Fundación Municipal de Cultura. La nefasta combinación d'ignorancia, chambonada, desidia, y estrechura de mires, foi llevando al Conceyu d'Uviéu a amenorgar cada vez más la so ufierta cultural a la música clásica, la opera, la zarzuela, daqué de folklore asturianu, y por supuesto, los intocables Premios Príncipe d'Asturies”

Tres quince años n’Escuela de Odio, Guti, baxista de la formación, dexa’l grupu. Nun lo fai ensin dar enantes un conciertu de despedida que faiga repasu a tol tiempu qu’esti músico tocó con Escuela. El llangreanu Club Xuvenil de Villa va ser l’encargáu d’acoyer el sábadu 6 de marzu l’actu, qu’amás va celebrar que nesa fecha cúmplense venti años desque esti llocal entamara coles actividades. Nel conciertu acompañen les bandes Mercyless, Black Panthys Party y Brigada.