| L’Anuariu Sonoru ’09 va poder descargase a partir del llunes 15 de febreru |
 |
 |
| Xeneral | |
| Escrito por Redacción – redaicion@fnast.net | |
| Lunes 08 de Febrero de 2010 23:13 | |
|
Estilos que van del punk al metal pasando pol folk o hiphop; grupos que recuerren la xeografía asturiana dende la fastera oriental a occidental y lletres con estremaes temátiques en castellanu, asturianu, inglés y gallego-asturiano; formen l’Anuariu Sonoru ’09, recopilatoriu qu’axunta cantares y vidioclips de les bandes qu’editaron material musical y/o audiovisual nel 2009. El prósimu llunes 15 de febreru ye la fecha definitiva de salia d’esti nuevu anuariu asturianu. Dende esi día al traviés de FNAST.NET va poder descargase llibremente esti recopilatoriu que, amás de los 43 cantares y los 16 vidioclips, va llevar un llibretu con información de tolos grupos que formen parte d’él. Espardimientu del proyeutu Anque’l FNAST.NET y l’asociación Ensame Cultural Sonastur seyan los padres del Anuariu Sonoru ’09, esti proyeutu cunta con más sofitos. El portal musical estatal Insonoro.com y los medios dixitales asturianos Infoasturies.net y Aruelu.com apoyen en promoción a esti anuariu; proyeutu que tien por oxetivu espardise lo más que puea pa da-y puxu a la música d’Asturies. |
|
Tres de más d’un mes de retrasu, l’Anuariu Sonoru ’09 qu’edita FNAST.NET y l’Ensame Cultural Sonastur yá tien fecha de salida. El prósimu llunes 15 de febreru va poder descargase esti recopilatoriu qu’axunta un total de 43 cantares y 16 vidioclips de los grupos qu’asoleyaron discu, maqueta o temes nel myspace durante’l 2009.
