Escrito por Laura Fernández/Pablo A. Quiroga Prendes
Verdasca surde en xineru de 2006 de les inquietudes musicales de seis mozos, del conceyu Llanera y alredores, somorguiaos dende pequeñinos nel mundu de la música tradicional. En xunetu de 2007, asoleyen una maqueta con cuatro pieces representatives de la so propuesta musical, asemeyada a otros grupos folk del país, pero qu’acuña como sellu distintivu l’interés pola renovación de la tonada.
Llevaron el Premiu a la Crítica de la RTPA al meyor discu folk del añu, tán acabantes de ganar Premiu al Meyor Cantar en Llingua Asturiana y tienen tres nominaciones a los AMAS. La personal propuesta sonora de Xera basada nel folk electrónicu y el so segundu trabayu “Tierra” (autoedición, 2009), amuesen que facer música n’asturianu, con un soníu innovador, filosofía humanista y rexistrando la obra con llicencies llibres, nun ye daqué del guetu nin falto de calidá. FNAST.NET faló con ellos al rodiu’l so camín musical y cuestiones sociomusicales como la crisis de la industria discográfica o la política institucional asturiana pa cola música’l país.
Sofia F. Castañón y Juan Tizón (Sr. Paraguas)presentaron el pasau martes 9 de febreru el vidioclip del cantar de Alfredo González,“La nada y tu”. Fnast.net tuvo na presentación y charró con ellos del rodaxe y del mundiu del vidioclip. (+)
Escrito por Laura Fernández/Pablo A. Quiroga Prendes
Pablo Moro asoleyó’l pasáu mes de payares el so caber trabayu “Pequeños placeres domésticos”, que sigue’l camín entamáu por “Emepetreses” (2005) y “Smoking Point” (2007), los dos primerosdiscos de l’uvieín.
“Pequeños placeres domésticos” ta formáu por catorce temes, de los que “Jólivuz”, que fala de les deceiciones que provoquen les ilusiones frustraes,fue l’escoyíu como primer single. El so vidioclip estrenose’l mesmu día que s’espublizó’l discu.
Pablo Moro ye ún de los referentes de la canción d’autor n’Asturies (si non el referente por antonomasia) y ta acabante de recibir el galardón “Rincón”, qu’otorga “El Rincón del Arte Nuevo”, como premiu a los artistes qu’empicipiaron d’alguna manera nel so escenariu y algamaron un reconocimientu importante nel panorama artísticu. Reconocimientu que, nel casu del asturianu, ye tanto nacional como internacional; asina, el pasáu mes d’ochobre visitó Colombia xunto al tamién asturianu Alfredo González. Dambos actuaron n’estremaos llocales de Bogotá y participaron nel prestixosu Festival Internacional de la Canción Itinerante.
13 Palabras ye ún de los grupos más representativos de la cuenca minera dende que allá pel 2001 se xuntaron Kans, Kitxu y Rubo pa dar traya a la escena hiphop.
Desendolcando un estilu distintu al típicu yá tienen dellos trabayos na rede, dos d’ellos nun curtiu espaciu de tiempo: “La fábrika de flores” y “Al kocer mengua”, ésti últimu asoleyáu el pasáu mes d’abril.
La entrevista que ufrimos darréu grabóse en mayu del 2009, pero por dellos problemes nun la pudimos editar hasta agora.
Formaos na ciudá d’Avilés en Xineru de 1987 Dixebra ye ún de los grupos referenciales de la música asturiana y la banda cimera del denomáu RockAstur. Con más de venti años enriba los escenarios, Dixebra lleven too esti tiempu poniendo-y música a la historia social d’Asturies y defendiendo la llingua asturiana como mou d’espresión.
Ocho discos d’estudiu, unu en direutu y un tributu, amás d’una bayurosa llista de conciertos a la so espalda, formen el currículum d’esta banda en continua evolución carauterizaos por amestar estilos musicales como’l rock, punk o ska a los raigaños tradicionales asturianos.
Anguaño Dixebra ta a puntu d’asoleyar “Amor incendiariu”, un nuevu discu d’estudiu nel qu’afirmen volver a los soníos punk-rock colos qu’escomenzaron la so trayeutoria, acompaños d’unes lletres de calter optimista y de llamada a l’acción.
Nesta entrevista los componentes de Dixebra van falando de caún de los catorce cantares que van formar el discu, asina como d’otros aspeutos relacionaos con “Amor incendiariu”.
Verdasca surde en xineru de 2006 de les inquietudes musicales de seis mozos, del conceyu Llanera y alredores, somorguiaos dende pequeñinos nel mundu de la música tradicional. 
Llevaron el Premiu a la Crítica de la RTPA al meyor discu folk del añu, tán acabantes de ganar Premiu al Meyor Cantar en Llingua Asturiana y tienen tres nominaciones a los AMAS. La personal propuesta sonora de Xera basada nel folk electrónicu y el so segundu trabayu “Tierra” (autoedición, 2009), amuesen que facer música n’asturianu, con un soníu innovador, filosofía humanista y rexistrando la obra con llicencies llibres, nun ye daqué del guetu nin falto de calidá. FNAST.NET faló con ellos al rodiu’l so camín musical y cuestiones sociomusicales como la crisis de la industria discográfica o la política institucional asturiana pa cola música’l país. 
Pablo Moro asoleyó’l pasáu mes de payares el so caber trabayu “Pequeños placeres domésticos”, que sigue’l camín entamáu por “Emepetreses” (2005) y “Smoking Point” (2007), los dos 
13 Palabras ye ún de los grupos más representativos de la cuenca minera dende que allá pel 2001 se xuntaron Kans, Kitxu y Rubo pa dar traya a la escena hiphop.
