Mientres na salita del autor de la Calleja  la Ciega, Pablo Valdés faía d’anfitrión presentando en sociedá a Edu Vigil, Bueno poníen tanto énfasis na prueba de soníu qu'acabaron cola vida del ampli de Javi Vallina.

Edu Vazquez aselaba los tiempos d'espera col so conciertu en L'Antigua estación, que concluyía nel momentu precisu pa dar  el pistoletazo al conciertu enerxéticu de Bueno na parte de abaxo na Calleja.

Nel cambéu de día, los mozos de Bueno, con Javi a la cabeza, xubíen a un escenariu apináu de máquines de música  y de presentes. 

“Yá llovió dende qu’aquel 31 de xineru de 2009 l’anguaño desgospiáu "CSOA La ReFLEXón" acoyiera’l II Rude Gaita. Apagones, astur-jam session folixera, una barra que quedó ensin priva y voluntá caracterizaron esa edición. El pasáu sábadu 17 d’abril abonda xente entá col recuerdu de los anteriores Rude Gaita averáronse a la Feria Muestres de Xixón pa esfrutar de la tercer edición d’esti festival, eventu qu’anualmente axunta’l ska cola identidá y raigaños de cadún de los grupos participantes, nesti casu Talco, Betagarri y La Tarrancha.”